
帝洛巴大師教言集TILO20བླ་མ་སྒྲུབ་པའི་རྒྱ་གཞུང་ཕྱི་སྒྲུབ་ཏིལློ་པས་མཛད་པ་བཞུགས་སོྷ། །
1-9-1a

༄༅། །བླ་མ་སྒྲུབ་པའི་རྒྱ་གཞུང་ཕྱི་སྒྲུབ་ཏིལློ་པས་མཛད་པ་བཞུགས་སོྷ། །
༄༅། །བླ་མ་སྒྲུབ་པའི་རྒྱ་གཞུང་ཕྱི་སྒྲུབ་ཏིལློ་པས་མཛད་པ་བཞུགས་སོྷ། །
1-9-1b

༄༅། །རྒྱ་གར་སྐད་དུ། གུ་རུ་ན་མོ་ལོ་ཀ །བོད་སྐད་དུ། བླ་མའི་སྒྲུབ་ཐབས། རྡོ་རྗེ་འཛིན་པ་ལ་ཕྱག་འཚལ་ལོ། །རྡོ་རྗེ་འཆང་ཆེན་ཚེ་འདིར་ཐོབ་འདོད་པས། །ལམ་གྱི་མཐར་ཐུག་བླ་ན་མེད་པའི་ལམ། །མོས་གུས་
མཐར་ཐུག་བླ་མའི་མོས་གུས་ཡིན། །སྒྲུབ་པ་ཟབ་མོ་བླ་མའི་སྒྲུབ་པ་སྟེ། །དམ་ཚིག་ཟབ་མོ་བླ་མའི་དམ་ཚིག་ལ། །རྟེན་འབྲེལ་ཟབ་མོ་བླ་མའི་རྟེན་འབྲེལ་མཆོག །འབྲས་བུ་མཐར་ཕྱིན་བླ་མའི་འབྲས་བུའོ། །དེ་ཕྱིར་བླ་མ་སྒྲུབ་པ་ལ་མཁས་པར་བྱ། །
བླ་མ་ས་གཞིའི་རང་བཞིན་ལས། །རྒྱུ་དང་མི་རྒྱུ་རྟེན་པར་བྱེད། །བླ་མ་ཡེ་ཤེས་མེ་ཆེན་ལས། །སྒྲིབ་གཉིས་བག་ཆགས་བསྲེག་(སྲེག་)པར་བྱེད། །བླ་མའི་བྱིན་རླབས་རླུང་གིས་ནི། །ཡོན་ཏན་གང་དུ་གཡོ་བར་བྱེད། །བླ་མའི་ཐུགས་རྗེ་ཆུ་འོ་ལས། །འགྲོ་བ་
ཀུན་གྱི་གསོ་སྐྱེད་མཛད། །བླ་མ་ཤེས་རབ་ཟབ་པ་ཡིས། །མ་རིག་མུན་པ་སེལ་བར་བྱེད། །བླ་མ་ཐབས་ཀྱིས་ཉི་མ་ཡིས། །ཉོན་མོངས་རླན་རྣམ་(རྣམས་)སྐམ་པར་བྱེད། །བླ་མ་མཁའ་ལྟར་དག་པ་ལས། །བདག་འཛིན་ཐམས་ཅད་འཇིག་པར་བྱེད། །བླ་མའི་
བྱིན་རླབས་སྨན་གྱིས་ནི། །ནད་རྣམས་ཐམས་ཅད་སེལ་བར་བྱེད། །བླ་མ་དཔག་བསམ་ཤིང་བཞིན་དུ། །འདོད་པའི་འབྲས་བུ་སྟེར་བར་བྱེད། །བླ་མ་ལྟ་བའི་(ལ་ལྟོས་)ཤེལ་བཞིན་དུ། །མཆོག་དང་ཐུན་མོང་དངོས་གྲུབ་འབྱུང་། །བླ་མ་ཡིད་བཞིན་ནོར་བུ་ལྟར། །ཕུན་
སུམ་ཚོགས་ཀུན་བསྐྱེད་པར་བྱེད། །དེ་ཕྱིར་དེ་ལ་དམ་པར་བྱོས། །བླ་མ་ཕྱི་ལྟར་སྒྲུབས་པའི་མན་ངག་རྣལ་འབྱོར་གྱི་དབང་ཕྱུག་ཏླི་ལི་པས་མཛད་པ་རྫོགས་སོ།། །།རྒྱ་གར་ཤར་ཕྱོགས་ཛཱ་གད་ལིའི་པཎྜི་ཎ་ཏ་བི་བུ་ཏི་ཙནྟྲས། 
1-9-2a

དཔལ་ཁན་པའི་དུར་ཁྲོད་དུ་སྒྲ་རང་སྒྱུར་དུ་བསྒྱུར་བའོ།། །།


目錄
བླ་མ་སྒྲུབ་པའི་རྒྱ་གཞུང་ཕྱི་སྒྲུབ་ཏིལློ་པས་མཛད་པ་བཞུགས་སོྷ། །